"ЧЭГИЭН КЭСКИЛ ТУҺУГАР"

 

"ЧЭГИЭН КЭСКИЛ ТУҺУГАР" диэн ааттаах Чурапчы ДЮСШ-тын бастакы директора Виктор Семенович Дьяконов кинигэтэ балаҕан ыйын 23 күнүгэр сүрэхтэннэ. Кинигэҕэ Чурапчы улууһун оскуолаларыгар араас сылларга үлэлээбит, үлэлии сылдьар физкультура учууталларын туһунан сырдатыллар. Чурапчы спорт туонатыгар аар-саарга аатырарыгар олук уурбут аҕа саастаах көлүөнэ дьоҥҥо сүгүрүйүүнү, киэҥ туттууну, эдэрдэргэ үйэлээх үтүө өйдөбүлү хаалларар баҕа санааттан бу кинигэ оҥоһулунна. Ааҕааччы киэҥ араҥатыгар ананар. Виктор Семеновичка, спорт уонна физкультура үлэһиттэрин ааттарын үйэтитиигэ элбэх сыраҕын ууран, билиигин түмэн, бириэмэҕин анаан улахан кылааккын киллэрбиккин сыаналаан туран, ДЮСШ коллективын аатыттан истиҥ эҕэрдэбитин уонна махталбытын биллэрэбит! Дьон махтала, үтүө санаата бигэ туруктаах, чэгиэн-чэбдик буоларгар күүс-көмө, өйөбүл буола турдун!